Müzəffər Ali Baş Komandan İlham Əliyevin müdrik rəhbərliyi ilə rəşadətli Azərbaycan Ordusuşanlı Vətən müharibəsində parlaq Qələbə qazanaraq otuzillik işğala son qoydu. Vətən müharibəsinin hər bir günü müasir tariximizə qızıl hərflərlə yazıldı. 

Dövlətimizin başçısı 2020-ci il 20 oktyabr tarixində Zəngilanın işğaldan azad edilməsi ilə bağlı xəbəri xalqa çatdıraraq, şanlı Azərbaycan Ordusunun Zəngilan rayonu ərazisinə daxil olduğunu, yaşayış məntəqələrinin azad olunduğunu bildirdi. Bu, uzun illər məcburi köçkün həyatı yaşayan zəngilanlıların Vətən həsrətinə son qoyan xəbər idi. 

1993-cü ilin oktyabrında 67 gün tam mühasirə şəraitində ermənilərlə döyüşən zəngilanlılar doğma torpaqlarını tərk etmək məcburiyyətində qalmışdılar. 235 nəfər şəhid və itkin verən zəngilanlılar uzun illər respublikamızın müxtəlif bölgələrində məcburi köçkün həyatı yaşadılar.

İşğal illərində rayonun bütün kəndlərinin, infrastruktur obyektlərinin, tarixi və dini abidələrinin erməni vandalizminə məruz qaldığını qeyd edən Şahin İsmayılov məscid, türbə, ziyarətgah və qədim yaşayış yerlərinindağıdıldığını, təhqir olunduğunu diqqətə çatdırıb.

Bu gün digər işğaldan azad olunmuş torpaqlarımız kimi Zəngilanda da nəhəng quruculuq işlərinin həyata keçirilib. Zəngilan  “Böyük Qayıdış” proqramının aparıcı mərkəzlərindən biridir. Bütün bərpa-quruculuq işləri “ağıllı kənd” və “ağıllı şəhər” prinsipləri əsasında aparılır. Zəngilanın Ağalı kəndi Azərbaycanın ilk “ağıllı kəndi”dir. 

Kənddə 200 müasir ev, məktəb, bağça, tibb məntəqəsi, sosial obyektlər, “ASAN”, “DOST” və KOB  xidmətləri fəaliyyət göstərir. Bu gün Ağalı kəndindəümumilikdə 871 nəfər olmaqla 175 ailə məskunlaşıb. 

Əhalinin məşğulluğu üçün tikinti, xidmət, kənd təsərrüfatı və biznes sahələrində iş yerləri yaradılıb. Kənd tam “ağıllı” idarəetmə sistemi ilə təchiz olunub. Enerji təminatı üçün Həkəri çayı üzərində Arximed tipli mini su elektrik stansiyası və günəş panelləri quraşdırılıb. 

“2023-cü ildə Nazirlər Kabineti tərəfindən Zəngilan şəhərinin 2040-cı ilədək Baş Planı təsdiqlənib. Şəhərdə müasir yaşayış kompleksləri, məktəblər, uşaq bağçaları, sosial və inzibati binalar, geniş yollar və parklar inşa edilir. Ölkəmizin hər bir bölgəsində olduğu kimi Qarabağ və Şərqi Zəngəzurda da tarixi və dini abidələrimizin bərpasına xüsusi diqqət ayıran Heydər Əliyev Fondu tərəfindən XIX əsrə aid Zəngilan şəhər məscidi yenidən inşa edilib.

Zəngəzur dəhlizi üzərində yerləşən Zəngilanda Beynəlxalq Hava Limanının istifadəyə verildiyini, Horadiz–Zəngilan–Ağbənd dəmir yolunun və Zəngilan–Horadiz avtomobil yolununsürətlə inşa edildiyini bildirən komitə sədri qeyd edib ki, icra olunan layihələr Zəngilanın mühüm nəqliyyat qovşağı kimi əhəmiyyətini daha da artıracaq. 

“Beləliklə, yenidən qurulan Zəngilan müasir və qüdrətli Azərbaycanın rəmzidir. Zəngilanlılar bundan sonra sürətlə inkişaf edən doğma torpaqlarında sülh və rifah şəraitində əbədi yaşayacaq, ölkəmizin davamlı tərəqqisinə töhfə verəcəklər.

Şahin İsmayılov

Milli Məclisin deputatı