Gürcüstan hakimiyyəti narkotik vasitələrin satışından əldə edilən gəlirlərin yuyulmasında təqsirli bilinərək axtarışa verilən Ermənistan vətəndaşını İrəvana təhvil verib.
Publika.az xəbər verir ki, bu barədə Ermənistan Daxili İşlər Nazirliyi məlumat yayıb.
Bildirilib ki, “Telegram” sosial şəbəkəsi vasitəsilə müxtəlif növ narkotik vasitələrin satışından əldə edilən təxminən 3 milyon dollar leqallaşdırılıb.
“İş materiallarına əsasən, həmin şəxs tərəfindən 1,156 milyard dram (2,85 milyon dollar) leqallaşdırılıb. Pul “Telegram” platforması vasitəsilə narkotik vasitələrin (kokain, metamfetamin, LSD, marixuana və MDMA) satışı üçün əldə edilib”, - məlumatda deyilir.
Murad
