Uels Şahzadəsi Keyt Middlton kimyaterapiya müalicəsini başa vurduğunu açıqlayıb.
QÜTB.AZ xəbər verir ki, Keyt Middlton bu barədə “X” sosial şəbəkə hesabında məlumat verib.
O, son 9 ayın özü və ailəsi üçün çətin keçdiyini, kimyaterapiya müalicəsini başa vurduğu üçün isə çox sevindiyini bildirib. Şahzadə diqqətini xərçəngdən qorunmağa yönəldəcəyini əlavə edib.
Qeyd edək ki, bu ilin yanvarında Keyt Middlton qarın nahiyəsindən əməliyyat keçirib. O, mart ayında isə orqanizmində xərçəng hüceyrələrinin aşkarlandığını və profilaktik kimyaterapiya müalicəsi almalı olduğunu təsdiqləmişdi.
