Rusiyanın Krasnodar şəhərində yerləşən Şərq bazarında alış-veriş pavilyonunda güclü yanğın başlayıb.
Publika.az xəbər verir ki, bu barədə Rusiya Fövqəladə Hallar Nazirliyi məlumat yayıb.
Yanğınsöndürənlər 300 kvadratmetr ərazini əhatə edən yanğını lokallaşdırıblar. Hadisə yerində 57 mütəxəssis və 25 texnika işləyir.
Məlumata görə, ölən və yaralanan yoxdur. İdarədən bildiriblər ki, hazırda yanğınsöndürənlər tərəfindən açıq alov söndürülüb.
