“Mançester Siti”nin hücumçusu Yulian Alvares kluba transfer sorğusu göndərib.
Publika.az xəbər verir ki, 24 yaşlı futbolçu “Siti” bosslarına klubdan ayrılmaq istədiyini bildirib. Alvares “şəhərlilər”dən potensial alıcılar üçün münasib qiymət təyin etməyi xahiş edib.
“El Chiringuito”nun məlumatına görə, klub ona yaxşılaşdırılmış şərtlərlə müqavilə təklif etsə də, argentinalı forvard yeni sözləşməni imzalamaqdan imtina edib.
Qeyd edək ki, “Mançester Siti”də keçirdiyi 2 mövsümdə Alvares 103 oyunda 36 qol vurub və 18 məhsuldar ötürmə edib.
