“Ceyranlar təbiətimizin ürkək gözəli, canlı inciləri, Muğanın bəzəyi, qarlı düzənliyin isə nurudur!”
Publika.az xəbər verir ki, bunu Ekologiya və Təbii Sərvətlər Nazirliyinin mətbuat katibi İradə İbrahimova öz feysbuk profilində qarlı havada Şirvan Milli Parkından ceyranların videosunu paylaşaraq yazıb.
O qeyd edib ki, ölkə ərazisində ceyran populyasiyasının ən geniş yayıldığı ərazi Şirvan Milli Parkıdır: “2023-cü ilin payız mövsümündə aparılan son sayğı prosesində ölkə üzrə 7889, Şirvan Milli Parkında isə 6732 baş ceyran qeydə alınıb”.
