Dünya şöhrətli müğənni Niki Minaj narkotik alveri ittihamı ilə Niderland səlahiyyətliləri tərəfindən saxlanılıb. Müğənni bu səbəbdən İngiltərədəki konsertini təxirə saldığı üçün pərəstişkarlarından üzr istəyib.

Publika.az xəbər verir ki, sosial şəbəkələrdə yayılan videoda Minajın Amsterdam hava limanında polislə danışığı əks olunub. Müğənni maşınından düşürdülərək polis mikroavtobusuna aparılıb. O, niyə mikroavtobusa minməsini soruşduqda, məmur ona “narkotik daşıdığına görə həbs edildiyini” deyib.

Minaj isə "Mən narkotik maddə daşımıram”, deyə cavab verib.

Niderland polisi CNN-ə bildirib ki, onlar “Schiphol” hava limanında 41 yaşlı amerikalı qadını narkotiklə həbs ediblər. Daha sonra Niderland Kral Ofisi onun sərbəst buraxıldığını söyləyib.

"Prokurorluqla məsləhətləşdikdən sonra şübhəli şəxsə cərimə kəsilib və o sərbəst buraxılıb”, - deyə, açıqlamada bildirilib.

Cəmilə