İstanbulda içərisində şagirdlərin olduğu avtobus naməlum şəxs tərəfindən qaçırılıb.
Publika.az Türkiyə mediasına istinadən xəbər verir ki, hadisə bu gün səhər saatlarında Kadıköydə baş verib.
Şagirdləri məktəbə aparan avtobus işıqforda dayanarkən bir nəfər sürücüyə arxa təkərinin partladığını bildirib. O, təkəri yoxlamaq üçün avtomobildən düşən zaman naməlum şəxs sükana əyləşərək avtomobili qaçırıb.
Sürücü avtomobilin arxasınca qaçsa da, çata bilməyib.
Məlumata görə, avtobusu qaçıran şəxs şagirdləri endirib və avtomobillə qaçmağa davam edib.
Şagirdlərin vəziyyətinin yaxşı olduğu bildirilib.
Hadisə ilə bağlı bağlı araşdırmalara başlanılıb.
